海不揚波完左喇...下午既最後一場完左之後，

就係「興功燕」...

都幾開心架，我地果圍台坐晒d gag友，

每次搞完一個爛gag都要為爛gag而乾杯，都幾high(我仲飲左兩杯酒)

不過唔小心夾到天惠隻手，佢好似嬲左我.....

本來話完左「興功燕」之後去唱k既，點知呀爸突然殺到，

話太夜唔比去(我本來想則則駁既)

唉...之後可能好難見到佢地架喇...

要知道我呢d人係唔識主動約人既

差d喊左呢...

海不揚波首演成功！yeah！

雖然只係村民角色，但係都好好玩＞＜

今日陳爺爺黎左睇我地首演，開場之前仲黎左後台同我地ｄ演員祝福。

哇哈哈．．．．．．

不過火車店果場我唔記得左要出場，走左去換波浪衫

ｄ觀眾成日係ｄ我地認為唔應該笑既位笑。

最後坐談會果度，Joney（唔知係唔係咁串）讚ｄ小朋友認真，冇好似採掛果陣玩玩下。

聽日call４點，嘻嘻，今晚夜ｄ訓都得。

哇哇哇！大「近視」！

唔見左十蚊！出門口之前明明有４張十蚊既，番到屋企得番３０蚊（我冇帶銀包出街）

邊條仆街咁缺德？

噢!今日離奇地有小學同學打黎，明明我地都兩年冇聯絡啦= ="

所以話：女人心，海底針

就連身為女人既自已都了解唔到同類既諗法

就好似．．．大海裏面既一支針冇可能知第二支針係邊咁解啦

午後，正值科測之前，吾已棄掉書本，此次測驗乃屬凶多吉少焉。

試卷傳來，吾神態自若，雖云云題目，吾也一題不識，

但吾仍處變不驚，

側目，且見旁坐飛筆疾寫，

吾也不甘落後，不論會與否，隨心疾寫。

雖則此次科測吾定名落孫山，

再接再厲，

科考定能令人另眼相看！